Brasilgo ULMAren hurrengo kooperantea izan nahi al duzu? — Begira - Ulma aktualitatea
Ulma Taldea

Brasilgo ULMAren hurrengo kooperantea izan nahi al duzu?

Mundukiderekin Brasilera kooperante gisa joan nahi duen ULMAko bazkide bat bilatzen dugu, garapenerako kudeaketan eta lankidetzan esperientzia duen talde batean sartuz eta MSTrekin batera lan eginez, munduko gizarte-mugimendurik handienetako bat baita ULMAren esperientzia kooperatiboa beste errealitate kooperatibo batzuetatik datozen pertsonekin partekatzeko.
Brasilgo ULMAren hurrengo kooperantea izan nahi al duzu?
2020/12/09

Beste kultura- eta gizarte-ingurune batean lan egingo duzu, eta horrek aukera emango dizu autokudeaketa, antolaketa- eta komunikazio-gaitasunak garatzeko; azken batean, balio kooperatiboak suspertzeko esperientzia bat.

Munudukidek Lanpostu honetarako eskaintzen dituen baldintzak honakoak dira, Espainian lan-kontratua eta soldataren % 100 Espainiako Gizarte Segurantzan kotizatuz. ULMAk soldata-kostuaren baliokidea den dohaintza egingo dio Mundukideri, eta Lagun-Aro, EPSVren kotizazioa erraztu eta konpentsatuko du (erretiroa, alarguntasuna eta baliaezintasuna direla eta) bazkideak Mundukiderekin egindako lan-kontratuaren indarraldian.

Gainera, bazkideari bi (2) urteko hasierako eszedentzia negoziatua ematen dio, luza daitekeena, pertsona hori Brasilen Mundukideren programan sar dadin, eta akordioa betetzeko, 3 hilabete lehenago jakinarazita, bazkidea ULMAra itzuliko da, negoziatutako eszedentziaren aurretik zuen kontratu-egoerarekin. Horretarako, lanbide-talde bereko lanpostu baten bilaketa aktiboa egingo da, bazkidea ULMAra itzultzea errazteko.

Lan-baldintzak hemen aurkituko dituzu.

Animatu, Brasil zain duzu!