Etxebizitza multzoa Plans D’aiguadolçen, Sitges, Bartzelona — Begira - Ulma aktualitatea
Ulma Architectural Solutions

Etxebizitza multzoa Plans D’aiguadolçen, Sitges, Bartzelona

Proiektuak 48 etxebizitza garatzen ditu Bartzelonako Sitges herrian. 2 eraikin dira, 4 altuerakoak, eta solairu bitxi bat dute, barruko fatxada hautsiak eta kanpoaldeko bihurguneak konbinatzen dituena. Itsasoaren parean kokatuta daude eta bista paregabeak ditu.
Etxebizitza multzoa Plans D’aiguadolçen, Sitges, Bartzelona
2020/06/16

Etxebizitza multzo hori MSA+A arkitekto taldeak garatu du, Adolf Martinez / Josep Lluis Sisternasek osatzen duten taldea. ULMA fatxada aireztatuen sistema erabili da proiektuan polimero hormigoizko plakekin. Bertan, testura jokoa sortu da, forjatuen eremuetan amaiera laua duen Aire testura erabilita eta leihoetako hutsarteen artean uhin bertikalen akaberako Ur testura erabilita. Konbinazio horrek oso joko optiko sotila sortzen du, fatxadari dinamismoa ematen diona, eta kolore zuria da erabiltzen den bakarra. Proiektugileak oso gustura geratu dira testuren konbinazioaren emaitzarekin, eta bereziki harrituta argiaren eragina aldatu ahala lortzen diren tonalitate aldaketekin.

Proiektuaren zailtasuna, alde batetik, erabilitako instalazio sistemen konbinazioan zegoen; bertikala (Ur-uhin testurarako) eta horizontala (Aire-laua testurarako). Eta bestetik, argi eta garbi bereizitako bi fatxada egotea: barrualde bihurri eta hautsiak, eta kanpoalde kurbatuak, proiektuaren kurbadura eta berraztertzea erreproduzitu behar zutenak eta terrazetako baranda-sistemarekin integratu behar zirenak, horiek ere kurbatuak eta arritmikoak.

Fatxada aireztatuaren sistemarekin energia kontsumoa optimizatzen da, izan ere, energia aurreztea ahalbidetzen du, etxeko energia eskaera %30 murriztu daitekeelako beste eraikuntza sistema batzuekin alderatuta.

Polimero hormigoizko plakek, aldi berean, emaitza ezin hobeak ematen dituzte korrosioaren edo poluzio bidezko narriaduraren aurrean, eta, beraz, fatxadari iraunkortasun tekniko eta estetikoa ematen diote. Erabiltzaileari erosotasuna handitzeaz gain. Material horren moldekagagarritasunari esker, posible da eraikin pertsonalizatuak proiektatzea testuretan eta koloreetan.