ULMAren drainatze sistema Nafarroako Los Arcos zirkuituan

ULMA Architectural Solutionsek Nafarroako Zirkuituaren birmoldatzen parte hartu du, estatuko instalazio automobilistiko nagusietako batean.

Los Arcos herrian dago eta trazadura 4,3 km-ko luzeraraino handitu dute, 650 metro gehiagoko azalerarekin eta zati handi bat berriz asfaltatuta. Diseinua eguneratzeak pistaren drainatze sistema osoa berrikusi beharra ere ekarri du, kurba peraltatuekin, desnibel berriekin eta sekuentzia arinagoekin.

Trazadura exijenteago batera egokitutako drainadura

Abiadura zirkuitu batean, ura behar bezala hustea segurtasunerako faktore kritikoa da. Pistan ura egoteak itsaspena arriskuan jar dezake, eta ibilgailuen errendimenduan eragin.

Baldintza horiei erantzuteko, KOMPAQDRAIN® CIVIL kanal trinkoak instalatu dira, hau da, polimero hormigoizko soluzio monolitikoa, gorputza eta sareta pieza bakar batean integratzen dituena.

Ingeniaritza Bulegotik koordinatutako lana

Proiektua xehetasunez aztertu zuen ULMAko Ingeniaritza Bulegoak, eta bertan egin ziren beharrezkoak ziren kalkulu hidraulikoak, eta kanalak kurbaguneetan integratu, zoladurari lotu eta trazaduraren puntu desberdinetara egokitu ziren.

Laguntza tekniko horrek zirkuituaren eskakizunei egokitutako soluzio bat eskaintzea ahalbidetu zuen, erabakiak hartzeko orduan segurtasuna eta exekuzioaren efizientzia lortzeko.