ULMA Constructionek lehen filiala ireki du Erresuma Batuan — Begira - Ulma aktualitatea
Ulma Taldea

ULMA Constructionek lehen filiala ireki du Erresuma Batuan

ULMAk indartu egin du bere nazioarteko presentzia, Erresuma Batuan filial berri bat irekiz, eta handik bere soluzioak eta zerbitzu espezializatuak eskainiko dizkio merkatu britaniarrari.
ULMA Constructionek lehen filiala ireki du Erresuma Batuan
2026/09/16

ULMA Constructionek bere lehen filiala ireki du Erresuma Batuan, zehazki Westerhamen, Londresko metropoli eremuan. Irekiera hau urrats berri bat da ULMA Constructionen nazioarteko hedapenean, eta merkatu britainiarrean duen presentzia indartzen du.

Nazioarteko presentzia

Irekiera berri hau ULMAren nazioartekotze ibilbidearen barruan kokatzen da, zeinaren nazioarteko jarduera bere fakturazio osoaren % 69 baita jada, 2025eko datuen arabera. 70 herrialdetan dago, eta 855 milioi euro inguru fakturatzen ditu nazioarteko merkatuetan. ULMAk aurrera jarraitzen du bere nazioarteko hazkunde eta hedapen estrategian.

Era berean, hau ez da ULMA Erresuma Batuko merkatuan sartzen den lehen aldia, non bere negozioetako beste bik, ULMA Architectural Solutionsek eta ULMA Packagingek, presentzia baitute dagoeneko.