Gripearen aurkako 2026 kanpaina

ULMA osatzen duten pertsonak gripearen aurka babesteko asmoz, urtero gripearen aurkako kanpaina jartzen da abian, ULMAko Mediku Zerbitzuaren bidez koordinatuta.

Urtero aldatzen den eta oso azkar transmititzen den birus baten aurrean, txertoa da gure defentsarik onena zu eta zure ingurunea babesteko. ULMA osatzen dugun pertsonen %9k 2025ean txertoa hartzea erabaki zuen. Balantze global horren barruan, bereziki nabarmentzen dira ULMA Medical Technologies eta ULMAko Mediku Zerbitzua, parte hartze indize handiengatik. Era berean, estatistikek kontzientziaziorako esanguratsua den datua erakusten dute: emakumeak dira ekimen horren buru, gizonena baino txertaketa ehuneko handiagoa baitute. Nabarmendu behar da, halaber, Mediku Zerbitzuak azken bost urteetan bildutako datuen arabera, txertatutako pertsona batek berak ere ez duela gripea hartu.

Gripearen aurkako kanpaina hau sustatzeak, ULMAk bere pertsonen osasunaren alde duen konpromisoa islatzeaz gain, prebentzio eta ongizate kultura indartzen du, gure eguneroko arrakasta ahalbidetzen duten pertsonak zainduz.

Erreserbatu zure dosia

Txertoa jasotzeko izen ematea irailaren 27ra arte egongo da zabalik formularioaren bidez, eta txertaketak urriaren 6an hasiko dira; era berean, zalantzaren bat izanez gero, mmucha@ulma.com helbidean egin dezakezue kontsulta.