15 minutu bizitza bat aldatzeko — Begira - Ulma aktualitatea
Ulma Taldea

15 minutu bizitza bat aldatzeko

ULMAren laguntzarekin, Bubaque Bissau proiektuko oftalmologoek bidaia egingo dute urrian Ginea Bissaura, 100 katarata-kirurgia egiteko. Begiko gaixotasun hau, arazo handi bat da herrialdearen egoera sozioekonomiko prekarioak ez duelako ahalbidetzen arreta mediko egokirik izatea.
15 minutu bizitza bat aldatzeko
2023/04/25

Begi-lausoa da munduan eta, bereziki, maila ekonomiko baxuko herrialdeetan itzul daitekeen itsutasunaren lehen kausa, Ginea Bissau kasu. Arazo horrek, herrialdearen egoera ekonomikoarekin batera, zaildu egiten du pazienteen eta haien familien egunerokotasuna, baina 15 minutuko ebakuntza kirurgiko baten bidez konpondu daiteke. Horrela, pertsona horiek beren ohiko jarduerara itzuli ahal izango dira.

Bubake Bissau proiektuak oftalmologiaan eta, zehazkiago, itsutasun itzulgarrian jartzen du arreta, eta beraien helburua urtean 100 kirurgia egitea da horretarako urtean Guiena Bissaura bidaia bat antolatuz. Aurten, urriaren 28tik azaroaren 7ra egingo dute bidaia, eta taldea hiru oftalmologok, anestesista batek, erizain batek eta teknikari batek osatuko dute. ULMAren lankidetzari esker, taldearen bidaia eta materialak finantzatu ahal izango dituzte.

“Gure helburu nagusia proiektu honekin aurrera jarraitzea da, ahalik eta katarata ebakuntza gehien egitea eta bertan dauden medikuen formakuntza oftalmologikoa hobetzea”, Jose Alberdi, oftalmologoa eta Bubaque Bissau proiektuko kidea.