Azkar erreakzionatzea, erantzun irmoa artikulatzea, eta egoera horretatik irteteko modu bakarra “denok elkarrekin joatea” zela ulertzea, izan dira egoera honi aurre egiteko gakoak.
8 urte egin dituzu ULMA Taldeko Zuzendaritza Orokorrean. Zein balantze egiten duzu honetaz guztiaz? Zein alderdi nabarmenduko zenituzke?
Negozioentzat urte zailak izan dira eta izaten ari dira. Lehendabizi, eztanda egin zuen krisialdi bortitzarengatik, nazioarte mailakoa eta oso sakona izan zena. Orduz geroztik, lokalagoak diren beste krisi batzuk ia etengabe sortzen joan dira, eta honek ziurgabetasuna eta ezegonkortasuna sortu ditu gure egunerokoan.
Hasieratik bagenekien zer zetorkigun. Egoera honi aurre egiteko gakoak izan diren alderdi batzuk azpimarratuko nituzke:
-.Azkar erreakzionatu izana, bai organoek bai kolektiboak.
-.Amore eman beharrean, erantzun irmoa artikulatu zen.
-.Egoera horretatik irteteko modu bakarra denok elkarrekin joatea zela ulertzea.
[...]
