ULMA Po ibaiko esklusa berriaren eraikuntza proiektuan parte hartzen ari da — Begira - Ulma aktualitatea
Ulma Construction

ULMA Po ibaiko esklusa berriaren eraikuntza proiektuan parte hartzen ari da

ULMA produktuak zehatz aztertuta eta egoki planifikatu eta txandakatuta, ahalik eta etekinik handiena atera ahal izan da lanari eta tokian bertan egin beharreko lanak murriztu.
ULMA Po ibaiko esklusa berriaren eraikuntza proiektuan parte hartzen ari da
2017/03/23

Esklusa 1962ko zentral elektrikoaren ondoan dago, eta Cremona eta Piacenza artean berriro nabigazioa egotea ahalbidetuko du, orain arte etenda egon baita, ur emariaren jaitsierarengatik. Ingurunean txertatuta dago, eta Po ibaiaren leheneratze lanen lehen mugarria da.

Ibai gune bat denez eta egitura ahultzea ekiditeko, dartsena modu monolitikoan eta junturarik gabe eraiki da. Egiturak 115 m x 12,50 m ditu, eta 23 metroko sakoneran alboetako zuloetan, eta 4.000 m2-ren gainean eraiki da.

Alboko hormak egonkortu ondoren, MK aurpegi bakarreko goratze kontsolak erabili dira, ORMA enkofratu modularrarekin eta enkofratu zirkular doigarriarekin. Sistemak ezin hobeto egokitu dira hormen geometria irregularrera, eta, gainera, kalitate maila handia eman diete. Goratzea 3,5 metroko alturako geruzatan egin da. 37 metroko altuerara iritsi ondoren, BMK aurpegi biko goratze kontsolak erabili ziren.

Lanerako lekua txikia izan arren eta altuera handiekin eta paraleloan muntatutako beste sistema batzuen oztopoarekin lan egin behar izan bada ere, koordinazioa eta segurtasuna funtsezkoa izan da lanetan