Horma txapel, leiho isurki eta pilare estalki bereziak Best Cambrils hotelean — Begira - Ulma aktualitatea

Ulma Architectural Solutions

Horma txapel, leiho isurki eta pilare estalki bereziak Best Cambrils hotelean

Polimero hormigoia kostaldeko hezetasunarekiko eta gazitasunarekiko erresistentea
Horma txapel, leiho isurki eta pilare estalki bereziak Best Cambrils hotelean
2020/11/18

Best Hotels katearen hotel enblematiko honen birgaitze lanetan parte hartu dugu. Eraikina Tarragona probintzian dago, kostaldeko Salou eta Cambrils herrien artean.

Hotela itsas pasealekuaren ondoan dago, hondartzatik metro gutxitara, eta zerbitzuetatik eta itsasertzetik hurbil egotea da hotelak bere bezeroentzat dituen indarguneetako bat.

Itsasoaren gazitasunagatik, hezetasunagatik eta kostaldeko haize gogorrengatik, hondartza ondo-ondoan dauden eraikinen fatxadak azkarrago hondatzen dira.

Horregatik, hotel hau birgaitzeko, agente kaltegarri horiekiko oso erresistentea den materiala aukeratu da: polimero hormigoia.

Gure materiala bikaina da kostaldeko guneetan horrelako proiektuak egiteko, ia-ia iragazgaitza delako eta, beraz, kostaldeko hezetasunarekiko eta gazitasunarekiko erresistentea.

Bere propietateei esker, fatxadetan kokatutako piezek denbora luzea irauten dute.

Guztira, gure aurrefabrikatu arkitektonikoen gama estandarreko 2.000 metro baino gehiago horma txapel, leiho isurki eta pilare estalki berezi hornitu ditugu. Leiho isurki zuzen eta kurbatuak erabili dira, eta kurbatuak balkoietan jarri dira, erremate gisa.