Aurrez fabrikatutako balkoi modernoa Madrileko CENTRAL HOUSE ostaturako

Abenturetan pentsatzen dugunean, lehenengo ideia, normalean, bidaia bat izaten da.

Niri, behintzat, hori gertatzen zait.

Bidaia bat, agian urrutiko leku exotiko batera, batere espero ez ditugun abenturak eta pasadizoak bizitzeko. Indiana Jonesen edo Jumanjiren filmen antzeko zerbait.

Batzuetan, ordea, ez da hain urrutira joan behar, oso hurbil aurkitu ditzakegu-eta beste era bateko eta benetako abenturazaleak, espero duguna baino gehiago.

Madrileko ostatu honen kasua dugu abenturazale horien adibide garbi bat, izan ere, garbi erakusten digu nola garai hauetan ere badiren pandemiak gehien zigortutako sektoreetako batean negozio bat irekitzera ausartzen direnak. Hori ere abentura bat da.

Lavapies auzo jatorrean dago, kultur askoko eta bizitza handiko leku batean, hiriburuan garagardo batzuk hartzeko elkargunea den lekuan.  Leku ezin hobea da benetako Madril esploratu nahi duten bidaiari abenturazaleentzat.

Baina ez, gure asmoa ez da Ostatua sustatzea, arkitektura mailan egin dugun ekarpena azaltzea baizik.

Balkoi modernoak eta minimalistak

Izenburuan esaten genuen moduan, polimero hormigoiz aurrez fabrikatutako piezekin egindako balkoi modernoak eta minimalistak diseinatu ditugu.

Balkoia aurrez fabrikatutako 3 piezako multzo batez osatuta dago. Oinarriko lauza bat eta alboko 2 pieza dira, eta horiek osatzeko kristalezko baranda bat, arintasuna eta oso itxura egunekoa ematen diena.

56 balkoi izan dira, gris antrazita kolorekoak, eraikinaren bistako adreiluaren kolore gorriztarekin kontraste polita egiten dutenak.

Balkoiak dira protagonistak 3 solairuko fatxada honetan, eta estetika modernoa eta arina ematen diote eraikinari. Estetika simetrikoa, garbia eta minimalista definitzen eta proposatzen dute.

Tas Valor Arquitectura arkitektura estudioak aurrez fabrikatutako soluzio bat eskatu zigun, non diseinuak eta kolore berezi bateko akaberak (RAL 7016) lehentasuna edukiko zuten eta azkar eta erraz instalatzeko modukoa izango zen.

Instalazio fasean arazoak egotea ekiditeko, ULMAko teknikari taldea beti zure ondoan dago beharrezkoak diren xehetasun guztiak konpontzeko eta definitzeko. Izan ere, badakigu garrantzitsua dela konfiantzako hornitzaile bat edukitzea, profesionaltasunez eta zintzotasunez lan egiten duen hornitzaile bat, alegia.

Materiala ere, polimero hormigoia, bermea da.

30 urte baino gehiago daramatzagu polimero hormigoiarekin berritzen. Pororik gabeko materiala da, eta oso xurgapen maila txikia duenez (%0,1) bermatuta dago erabat estankoa izango dela eta fenomeno atmosferikoek, hala nola urtzaldiek, euriek, haizeek edo abrasioak higadurarik txikiena eragingo dutela. Ezaugarri garrantzitsua da, halaber, poluziorako, eta horregatik oso beharrezkoa da trafiko handiko hirietan, esaterako Madrilen.

Horrez gain, bere osaeragatik oso arina da eta horrek egiten du instalatzen denean manipulatzen erraza izatea, harria edo hormigoia bezalako materialekin alderatuz gero.