• Ulma Construction

Kadizko badia gaineko zubia, neurri eta eskakizun tekniko handiko proiektua

2016/05/17
Kadizko badia gaineko zubia, herriak “Peparen Zubia” esaten diona, munduko zubirik handienetakoa da, eta bigarren altuena, San Frantziskoko Golden Gate mitikoa ere gainditzen duelarik. 3.082 metro luze, 33 metroko taula zabalera eta 69 metro altu den galiboarekin, zubi berriak tamaina handiko ontziek nabigatzea ahalbidetuko du.

Proiektuan hainbat zati egin ziren, 1.079 metroko taularekin, eta dimentsio handiko sekzioa dute, barne geometria konplexu eta trapezio formako kanpoaldea, 10 eta 30 metroko alde paraleloak eta 2 eta 3 metro bitarteko altuera aldakorrarekin.

Zatietako baterako, ULMA Constructionek sendotasun, segurtasun eta malgutasuna bermatzeko apeo sistema bat erabili zuen, zubietarako ENKOFORM H-120 lauzako enkofratuarekin batera. Sistema tradizionalaz gain, dimentsio handiko hegaletako orga bat erabili zen, 48 m zabal, 25 m altu eta 16 m luze.

Neurri eta konplexutasun tekniko handiko proiektu honen exekuzioaren arrakastaren oinarrian dago ULMA Constructioneko taldeek izan duten koordinazioa, izan ere, taldeak planifikazioaz, ingeniaritzaz, obrako laguntzaz eta soluzio global bat garatzeko produktu estandarrak erabiltzeaz arduratu dira.