ULMA- DAIFUKU: 25 urteko elkarlan paregabea — Begira - Ulma aktualitatea
Ulma Handling Systems

ULMA- DAIFUKU: 25 urteko elkarlan paregabea

Aliantza baten bizi iraupena eta arrakasta faktore askoren ondorioa izaten da sarritan: ilusioa, konfiantza, kolaborazioa, berrikuntza, gardentasuna, zerbitzuen kalitatea…. Faktore guzti hauen konbinazio egokian datza aliantza iraunkor baten oinarria. Zalantzarik gabe ULMA Handling Systems- DAIFUKU aliantza dugu elkarlan sendo baten eredu gertukoena eta 2013. urtean 25. urteurrena ospatuko dugu, berrikuntza eta konfiantzan oinarritutako 25 urte luzeren urteurrena hain zuzen ere.
ULMA- DAIFUKU: 25 urteko elkarlan paregabea
2013/01/09

1988. urtean biltegiratze automatikoen sektorean lehen pausoak ematen hasi zen ULMA, DAIFUKU jatorri japoniarra duen sektoreko enpresa liderraren laguntzarekin.

Hasieratik bi enpresen arteko elkarlanean azpimarratzekoa izan da Fabrikazio eta Distribuzio Automatikoko (FA/DA) sistema eta ekipamenduak garatzeko, bakoitzaren jakintza eta esperientzien elkartrukea.

1989.urtean, ULMAk bere lehenengo proiektua garatu zuen bere instalazio propioetan, gaur egun ere lanean diharduen instalazioa. Garai haietan, logistikako sistemen automatizazioa ez zen oso ohikoa, baina 80. hamarkadaren amaieran, enpresa batzuk logistikako sistema berrietan pentsatzen hasi ziren, logistika balore estrategiko bilakatuz.

Denbora aurrera joan ahala, ULMA Handling Systems negozioa sendotzen joan zen, Espainiako barne logistika automatikoko lehenengo enpresa izatera iritsi arte. 90. hamarkadan ULMAk nazioarteari ate berriak ireki zizkion eta Brasilen, Frantzian eta Italian garatu zituen atzerriko bere lehen instalazioak.

25 urte hauetan lortutako emaitzek aliantzaren arrakasta islatzen dute, eta gaur egun ere, erronka eta ilusio berriak garatzeko konpromisoak tinko jarraitzen du.