Portaldek hilero 5.000 bisita baino gehiago hartzen ditu

Datu horrek berretsi egiten du ULMA Taldeko erabiltzaileen artean Portalde tresna erabilgarri gisa finkatu dela, uneoro behar den informazioa arin eta erraz eskuratu ahal izateko. 4 urteotan Portalde lortzen joan den bolumenak proiektuaren arduradunak aurten bertan edukiak berrantolatzeko prozesu bati ekitera animatu ditu. Prozesu hori progresiboki garatuko da eta, bateko eta besteko sekzioetan, forman zein edukian egingo diren aldaketak pixkanaka ikusten joango dira, betiere Intranetaren operatibotasunari berari eragin gabe, izan ere, erabiltzaileek bertako zerbitzuak gaur egun bezala erabiltzen jarraitu ahal izango dute. Urtearen amaierari begira, Taldeko Marka, Komunikazio, Enpresaren Erantzukizun Sozial eta IKTen Arloaren ardurapean, plataforma berri bat abiaraziko da, Begira OnLine izenekoa: ULMAko kolektibo osoak bertan libreki sartzeko modua izango du, eta iragarki taularen zeregina ere beteko du, ULMAren eta bere Negozio guztien gaurkotasuna ezagutzeko. Begira OnLine tresnak Portalderekin batean landuko du ULMAko informazio publiko guztia eta, horrenbestez, segurtasun arazoengatik Portalden sartzeko gaur egun dagoen handicapa gaindituko da.