• Ulma Taldea

Izena emateko epea zabalik ekaineko haurrentzako tailerretan

2019/05/02
Maiatzaren 28ra arte egongo da epea zabalik ULMAko ekaineko tailerretan zuen seme-alaben izena emateko.

Izen-emate hori egiteko, lotura honetan sar zaitezke

ULMA Fundazioak, laugarren urtez jarraian, langileen haurrentzako tailerrak antolatu ditu ekainaren 3tik 21era, 14:00etatik 18:00etara, 4 eta 12 urte arteko haurrentzat.

Ekaineko egun horiek ikasturte bukaeratik hurbil daudenez, haurrek arratsaldez jai daukate eta hori arazoa izan daiteke lan egiten duten gurasoentzat.  Horregatik, ULMA Fundazioak lagundu egin nahi die gurasoei,  lan eta familia bizitzaren kontziliazioan  bere aletxoa jarriz. Eskaintzen den ordutegia 14:00etatik 18:00etara da, ahalik eta bateragarrien izateko gurasoen lan ordutegiarekin, baina haurrak ekartzeko eta ateratzeko malgutasuna onartuko da.

Tailerrak ULMA Taldeko gimnasioan (Oñatin) izango dira eta landuko diren gaiak iazkoaren berberak: etorkizuneko belaunaldiei helarazten jarraitu nahi diegu ingurumena zaintzeak duen garrantzia eta teknologia mundura hurbildu. Modu dibertigarrian jolastuz ikasiko dute, esperimentuak, eskulanak edota robotak muntatzen eta lantaldean egindako lanen erakusketak eginez.

Tailerraren lekuaren espazioa dela medio, 70 ume onartuko ditugu taldeka. Izen-emate kopuruaren arabera antolatu beharko ditugu taldeak, zozketa eginez eta beti kontuan hartuta anai-arrebak ez banantzeko. Maiatzaren 30ean gure erantzuna posta elektronikoz jasoko duzu. Adi egon!

Edozein zalantza argitzeko, gurekin harremanetan jarri 943 250 300 telefonora deituz.