Cesar Nosti ULMA Handling Systems-eko zuzendari komertzial izendatu dute — Begira - Ulma aktualitatea

Ulma Handling Systems

Cesar Nosti ULMA Handling Systems-eko zuzendari komertzial izendatu dute

Urriaren hasieratik, ULMA Handling Systems enpresak zuzendari komertzial berria du, César Nosti hain zuzen ere. Eskarmentu handia du intralogistikaren sektoreko multinazional handiak zuzentzen.
2019/11/14

Country Manager izan da Cesar Nosti 2002. urtetik Ingalaterran, Esmena enpresan; Europa eta Ekialde Ertainerako Dexion enpresan izan da. Gerora, Espainia eta Portugalgo zuzendari komertziala izan da SSI Schaefer enpresan, eta azken hamarkadan Dematic-en.

Izendatze berri honekin, merkatu nazionalean buru izaten jarraitzeko apustua berretsi du ULMAk, eta azken urteetan Europa, Latinoamerika eta Ekialde Ertaineko nazioarteko merkatuetan hazten jarraitzeko asmoa du, U-MIND software logistiko aurreratuko suite-ren bidez, eta sektorean munduko liderra den DAIFUKU konpainiarekin partnership gisa arituz.

"Ingeniaritza-enpresak azken urteetan garatutako berrikuntzaren eta aurrerapen teknologikoen aldeko apustua dela-eta eman dut urrats hau nire jarduera profesionalean", esan du Nostik, eta kooperatibak bultzatzen duen gizarte- eta enpresa-proiektuan zati aktiboa izateak erakartzen duela aitortu du. "Hamarkada bat baino gehiagotan gero eta erantzukizun handiagoko lanpostuetan egon eta gero multinazional handien filialetan, ULMA Handling Systems-en konpainia nagusian lan egiteko aukerak nabarmen erakarri ninduen, horrek ekartzen duen guztiarekin, izan ere, enpresa aldaketa eta hazkunde prozesuan parte hartuko dut".