Axel Springer argitaletxearen bulego berriak — Begira - Ulma aktualitatea

Ulma Construction

Axel Springer argitaletxearen bulego berriak

Axel Springer argitaletxeak Berlinen duen etxe-orratz enblematikoak 50 urte egin ditu eta urteurreneko une hori aukeratu da argitaletxearen bulego berriak eraikitzeko, zeinak 2020an 3.500 langile hartuko baititu.
Axel Springer argitaletxearen bulego berriak
2018/10/19

Eraikina Rem Koolhaas arkitekto ospetsuak diseinatu zuen, OMA arkitektura estudioan, eta bere egiturak 30 metroko luzera duen atari bat dauka errezel itxurako horma batekin eta hiru dimentsioko elementuekin, eraikinaren erditik diagonalean kokatuta.

Eraikinaren eskakizun arkitektonikoek enkofratu eta aldamioen irtenbide integrala eskatu dute, bai eta laguntza tekniko eta logistikoa eta aholkularitza ere, proiektuaren hasieratik gauzatu arte. ULMAk irtenbide globala eskaini du.

Eraikitze prozesua optimizatzea izan da premisetako bat. Bezeroak eta ULMAk lana elkarrekin egiteak enkofratze zikloa planifikatzea ahalbidetu du. Horretarako, obra 4 sektoretan banandu da. Enkofratze sistema guztiak (nukleorakoa, lauzarakoa eta pilareetarakoa) txandakatu egin dira gune batetik bestera erlojuaren orratzen noranzkoan eta horrela material guztiak errentabilizatu dira.

Eskakizun arkitektonikoei ingeniaritza estrukturalaren erronkak batu behar zaizkie. Eraikinaren beheko erdian, isolamendu termikoa eta akustikoa sabaietan txertatuta egon behar zen; hori dela eta, enkofratuaren diseinua planteatzerakoan baldintza hori hartu zen kontuan.

Bezeroaren eta ULMAren arteko hurbiltasuna eta etengabeko komunikazioa dira proiektu honen arrakastaren alderdi garrantzitsu bat. Horrekin saihestu da eraikitze prozesuan botila lepoak eta atzerapenak egotea.